Նախագծայի շաբաթ․ հասարակագիտություն

Նախագծային շաբաթվա ընթացքում ընտրել ենք թեմա՝ «Մարդը և նրան շրջապատող միջավայրը»։ Կատարել ենք հարցումներ և հիմա կներկայացնենք դրանք պատումի միջոցով։

Հարցումներ մեծահասակներից․

Մի կնոջ հարցրեցինք․

• Ի՞նչ եք կարծում, մարդիկ ավելի շատ նմա՞ն են միմյանց, թե՞ տարբեր:

- Մարդիկ կարող են լինել նման և շատ տարբեր։ Ըստ իս՝ լավ է լինել տարբեր, որպեսզի չձանձրանանք միապաղաղ և միօրինակ մարդկանցից։

• Ո՞ր հատկությունն եք գնահատում Ձեր սիրելի մարդկանց մեջ:

- Իմ սիրելի մարդկանց մեջ գնահատում եմ ազնվությունը, երևակայությունը և ստեղծականությունը։

• Ո՞րն է մարդուն շրջապատող հասարակական միջավայրը:

- Իմ կարծիքով շրջակա միջավայրը, ընկերները, բնությունը, ընտանիքը․․․

Մի ուրիշ կնոջ հարցրեցինք․

• Ի՞նչ եք կարծում, մարդիկ ավելի շատ նմա՞ն են միմյանց, թե՞ տարբեր:

- Տարբեր են, որովհետև ամեն մարդ ունի իր նախասիրությունները, ճաշակը, մտածելակերպը, որը ձևավորել է նա տարիների ընթացքում։ Կարող են նմանություններ ունենալ, բայց ամբողջովին նույնը չեն կարող լինել։ 

• Ո՞ր հատկությունն եք գնահատում Ձեր սիրելի մարդկանց մեջ:

- Գնահատում եմ ազնվությունը, բարությունը, նվիրվածությունը․․․

• Ո՞րն է մարդուն շրջապատող հասարակական միջավայրը:

- Այն միջավայրն է, որտեղ ապրում ենք, ստեղծագործում ենք, ուրախանում են, տխրում ենք․․․

Հարցրեցինք 8-րդ դասարանի աղջկա․

• Ի՞նչ եք կարծում, մարդիկ ավելի շատ նմա՞ն են միմյանց, թե՞ տարբեր:

- Մարդիկ տարբեր հարցերում կարող են լինել տարբեր և նման։ Սակայն կարծում եմ, որ մեծամասամբ լինում են տարբեր։ Եթե երկու մարդ իրար նման լինեն, միևնույն է, կգտնվի որևէ բան, որով նրանք կտարբերվեն։

• Ո՞ր հատկությունն եք գնահատում Ձեր սիրելի մարդկանց մեջ:

- Ավելի նախընտրելի է, որ մեզ շրջապատող մարդիկ օժտված լինեն լավ հատկություններով։ Լինեն բարի, ազնիվ, արդար, խելացի և այլն։ Սակայն չկան այնպիսիի մարդիկ, ովքեր օժտված են միայն դրական հատկանիշներով։ Պետք է մարդու մեջ տեսնել միայն լավը՝ անտեսելով ամեն բացասական բան։ Ես մարդու մեջ գնահատում եմ ազնվությունը, ճշմարտախոսությունը և բարությունը։ Կցանկանայի, որ ինձ շրջապատող մարդիկ օժտված լինեին այս հատկություննով, հանուն ինձ պատրաստ լինեին ամեն ինչի և գնահատեին իրենց ունեցածը։

• Ո՞րն է մարդուն շրջապատող հասարակական միջավայրը:

- Այն միջավայրն է, որտեղ մարդը ապրում է իր ընկերների և բարեկամների հետ միասին։

Շնորհակալություն կարդալու համար։

Մասնակիցներ՝ Մարիամ Հովհաննիսյան, Գոհար Արղության և քաղաքացիներ։