Ազգային ժողովն արտահերթ նստաշրջանում քննարկում է Վարչական իրավախախտումների վերաբերյալ և քրեական օրենսգրքում փոփոխություններ կատարելու մասին նախագիծը։
ՎԻՎ օրենսգրքում փոփոխություն է առաջարկվում արտակարգ դրության իրավական ռեժիմի կանոնները խախտելու հետ կապված։
Նախատեսվում է սահմանել, որ արտակարգ դրության ժամանակ մեկուսացման կամ ինքնամեկուսացման պահանջները խախտելը կառաջացնի 300-500 հազար դրամի չափով տուգանք։ Իսկ ֆիզիկական և իրավաբանական անձանց համար արտակարգ դրության ժամանակ սահմանված տեղեկությունների հրապարակման և տարածման սահմանափակումները խախտելը կառաջացնի տուգանք՝ 50-300 հազար դրամի չափով։
Քրեական օրենսգրքում փոփոխություններ են նախատեսվում՝ սանիտարահակահամաճարակային կանոնները խախտելու հետ կապված։
Նախագծի ընդունման դեպքում՝ արտակարգ դրության ժամանակ մեկուսացման կամ ինքնամեկուսացման պահանջները խախտելը, որն անզգուշությամբ առաջացրել է մարդկանց զանգվածային հիվանդացում, կպատժվի կալանքով մինչև 3 ամիս ժամկետով կամ ազատազրկմամբ՝ մինչև տարի ժամկետով։
Տեղեկացնում եմ, որ նախագիծն ԱԺ-ի կողմից ընդունվել է առաջին ընթերցմամբ:
Հարցեր՝
- Որքանով է նպատակահարմար օրենքի ընդունումը
Այս օրենքը իմ կարծիքով շատ ճիշտ է, որովհետև մեկի սխալ արարքի պատճառով հնարավոր է, որ վտանգվեն շատ մարդկանց կյանքեր։ Այսպես մարդիկ գոնե մի քիչ զգոն կլինեն։
- Ինչ առավելություններ կամ բացասական հետևանքներ կարող է այն առաջացնել
Առավելությունն այն է, որ հնարավոր կլինի կանխել հիմա տարածված համաճարակը։
- Նախագծով նախատեսված տուգանքը և ազատազրկման ձևով պատասխանատվության ենթարկելն, արդյոք, համապատասխանում է կատարած իրավախախտման բնույթին։
Համապատասխան է, որովհետև այդ մարդը, ով խախտում է կատարել, ոչ միայն վնասում է իր կյանքը այլև մյուսներինը, իսկ այդպիսի բան անողը իմ կարծիքով ինչ-որ կերպ պիտի պատժվի։
No comments:
Post a Comment