Կետադրություն

1. Մանրուքների հավաքականությունը, որը ցանկացած կնոջ դարձնում է գեղանի կամ տգեղ, գրավիչ կամ վանող, ամբողջանում է, երբ հոգին այդ բոլոր մանրամասներն օժտում է սքանչելի միասնությամբ։
2. Միայն որոշ նրբագեղ կանայք են, որոնք, կանացի բազում հնարքներ օգտագործելով, կարողանում են իրենց պահվածքը խոսեցնել, և այդ անելու յուրօրինակ միջոցները միայն իրենց են հայտնի։
3. Ու՞մ է հայտնի՝ վի՞շտն է կնոջը շնորհում պերճախոս կեցվածքի այդ գաղտնիքը, թե՞ երջանկությունը․ դա անըմբռնելի մի առեղծված է։
4. Բոլոր մեկնաբանությունները, սակայն, կլինեն մտացածին և անէական, իսկ հիասքանչ առեղծվածը գոյատևելով կշարունակի ավելի դյութել տղամարդկանց իր անբացատրելիությամբ։
5. Կատակողները մի քիչ կկատակեն, հասկացողները կհասկանան։
6. Սիմոնը հետ նայեց․ Արշակ քեռին ջրի մյուս կողմն էր․ կռացած փնտրում էր անցնելու տեղ առվի վրա։
7. Տղան կանգ է առնում, և ընկերները նրա շուրջը շարվում են հոգնած, զայրացած։
8. Պառավը կարծում էր՝ Աղունը կախարդել է իր որդուն, և հիմա` այնտեղ, նա նրան է պարզում իր բարի ժպիտը։
9. Հրդեհի լուրը ստանալուց հետո հրամայել էր անմիջապես բոցերի ճիրաններից ազատել փաստաթղթերը։
10. Նա որոշել էր պարապ չնստել և զբաղվել ինքնակրթությամբ․ կարդում էր ձեռքն ընկած գիրքը։
11. Այդ փողոցից կարելի է մտնել մեկ ուրիշ փողոց, այնտեղից՝ մի փոքրիկ նրբանցք, որ նման է մրջնանոցի։
12. Իմ երազներում հաճախ նա ինձ պատկերանում է որպես վաղեմի մի բարեկամ։
13. Նա, խորհրդավոր ժպիտը դեմքին, դիմավորեց ամուսնուն, սակայն, բոլորն էլ լավ հասկանում են, թե ինչ էր նա մտածում իրականում։
14. Իմ առջև փռված են հայրենի դաշտերը, լուռ, խաղաղ ու հարազատ դաշտերը։
15. Գրգրռված ու գույնը գցած դուրս եկավ կենտրոնակայանից․ մի քանի օր լուր չկար հետախույզներից։
16. Կարելի է տեսնել ներկարարների, որոնց բարձրավիզ կոշիկների վրա երևում էին բոլոր ներկերի հետքերը՝ սևից մինչև սպիտակ։