Սողոմոն Սողոմոնյանը ծնվել է 1869 թվականի սեպտեմբերի 26-ին Փոքր Ասիայի Քյոթահիա քաղաքում։
Մկրտվել է ծնունդից երեք օր անց Սբ. Թեոդորոս եկեղեցում և ստացել Սողոմոն անունը։
Հայրը Գևորգ Սողոմոնյանն էր, մասնագիտությամբ՝ կոշկակար, որի ընտանիքը գաղթել էր Նախիջևանի Գողթն գավառի Ցղնա գյուղից, իսկ մայրը՝ Թագուհի
Հովհաննիսյանը, արմատներով Բուրսայից էր։ Սողոմոնը նրանց միակ զավակն էր։ Երկուսն
էլ մեծ սեր ունեին երաժշտության նկատմամբ։ Տանը խոսում էին միայն թուրքերեն։ Երբ Կոմիտասը ընդամենը 6 ամսական էր, նրա մայրը
մահացավ, իսկ տասը տարեկանում տղան կորցրեց նաև հորը։ Դրանից հետո նրան սկսում է
դաստիարակել հորական տատը՝ Մարիամը, որը նրա համար եղել է երկրորդ մայր։ Մոր մահը
խորը վերք էր թողել Սողոմոնի հոգում, և նրա առաջին ստեղծագործությունները նվիրված
էին հենց նրան։
1875 թվականին փոքրիկ Սողոմոնն ընդունվեց
իրենց քաղաքի միջնակարգ ուսումնարան, որն ավարտեց 1880 թվականին և հոր նախաձեռնությամբ մեկնեց
Բուրսա քաղաք ուսումը շարունակելու:Նա լիովին զրկվեց ծնողական
խնամքից՝ դառնալով հոգեպես խոցելի, ինչը ևս դարձավ տարիներ հետո նրա մոտ ի հայտ
եկած հիվանդության պատճառ:Որբանալով վաղ տարիքում՝ 1881 թվականին
12-ամյա Սողոմոնը Քյոթահիայի հոգևոր
առաջնորդ Գևորգ վարդապետ Դերձակյանի հետ մեկնում է Սուրբ Էջմիածին և սկսում
ուսանել Գևորգյան ճեմարանում։ 1895 թվականին Կոմիտասը ձեռնադրվում է վարդապետ, որից հետո մեկնում է Թիֆլիս և վեց
ամիս Մակար Եկմալյանի մոտ հարմոնիա է
ուսանում։ Սովորել է Բեռլինի Հումբոլդտի համալսարանում, որից հետո փորձել է
կիրառել այդ փորձը ազգային ավանդույթ կառուցելու համար։
Կոմիտասը համարվում է ժամանակակից հայկական դասական երաժշտության
հիմնադիրը:
2015 թվականի հունվարի 29-ին Երևանում Կոմիտասի անվան զբոսայգում տեղի ունեցավ Կոմիտասի թանգարան-ինստիտուտի բացումը:
No comments:
Post a Comment