Օրը մթնեց
Օրը մթնեց, ժամն է արդեն
Իրիկնահացի,
Օրը մթնեց, ժամն է արդեն
Իրիկնահացի,
Տխրությունս կամաց-կամաց
Փոխվում է լացի:
Իջնում էին խոհուն, խոնարհ
Դեզերի ուսին
Մի կաթնահունց երկնակամար,
Մի ծերատ լուսին…
Մեկը մեկից ամաչելով,
Եվ զուսպ, և հավաք,
Նստում էին մերոնք կարգով՝
Կրտսեր ու ավագ:
Նստում էին և սպասում,
Մինչև պապը գար,
Մինչև բակում Ծաղիկ եզան
Զանգը ծլնգար:
Պապը գալիս, սուփրի գլխին
Նստում էր շուքով,
Եվ լցվում էր տունը դաշտի
Բույր ու շշուկով…
Ու երբ տատս ձեռքն էր առնում
Շերեփը իր հին,
Գդալները բնազդաբար
Աղմկում էին:
Թանապուրի տաք գոլորշին
Գերանին առնում,
Եվ սյունն ի վար գլոր-գլոր
Ուլունք էր դառնում:
Վայելում էր տաք թանապուր,
Լավաշ ու սամիթ
Աշխատավոր մի գերդաստան՝
Պարզ ու միամիտ:
Հիմա այդ մեծ գերդաստանից
Ոչ մեկը չկա…
Ես եմ մնում լոկ իբրև հուշ
Եվ իբրև վկա:
Օրը մթնեց, ժամն է արդեն
Իրիկնահացի,
Տխրությունս կամաց-կամաց
Փոխվում է լացի:
1.Համառոտ շարադրիր այն;
Օրը մթնեց, ժամն է արդեն իրիկնահացի: Մեկը մեկից ամաչելով, և զուսպ և հավաք, նստում էին մերոնք կարգով կրտսեր ու ավագ: Նստում էին և սպասում մինչև պապը գար: Պապը գալիս սուփրի գլխին նստում էր շուքով և լցվում էր տունը դաշտի բույրով ու շութով: Տատը երբ հանում էր իր շերեփը, բնականաբար գդալները ձայն էին հանում: Վայելում էին բոլորը տաք թանապուր, լավաշ ու սամիթ: Աշխատավոր մի գերդաստան պարզ ու միամիտ: Հիմա արդեն այդ գերդաստանից ես եմ մնացել: Օրը մթնեց ժամն է արդեն իրիկնահացի:
2.Փոխիր վերնագիրը՝ պատճառաբանելով
<<Միամիտ գերդաստանը>>
Ընտրել եմ <<Միամիտ գերդաստան>> վերնագիրը, որովհետև այս բանաստեղծության մեջ միամիտ գերդաստանի մասին է:
3.Բացատրիր կաթնահունց, գերդաստան բառերը
Կաթնահունց-Կաթով հունցած խմորեղեն, կաթնահաց:
Գերդաստան-Արյունակից ազգականների ամբողջությունը, տոհմ:
4.Կարդալիս ի՞նչ բանաստեղծություններ հիշեցրեց. համեմատիր:
No comments:
Post a Comment