Դասի հղումը
Այլ հղումներ 1 2
Այլ հղումներ 1 2
- Որո՞նք են աշխարհի բնակչության կտրուկ աճի պատճառները:
Քանի որ հին ժամանակներում երկրներում չէին կազմակերպվում ժամանակակից պատկե-
րացմամբ մարդահամարներ, ուստի աշխարհի բնակչության մոտավոր թիվը գնահատելու
համար հիմք էին ընդունվում կողմնակի տվյալներ (հարկատուների, զորքերի թիվը): Ստացված
տվյալների վերլուծությունը ցույց է տալիս, որ նախկինում երկրագնդի բնակչության թիվն աճել
է շատ դանդաղ: Այն արագացել է հասարակության զարգացմանը համընթաց:
Եթե երկու հազար տարի առաջ երկրագնդի վրա ապրում էր մոտավորապես 230 մլն մարդ,
ապա այժմ աշխարհի բնակչության թիվն անցնում է 7 մլրդ-ից։ Հին դարերում երկրագնդի բնակ-
չությունը մեկ տարվա ընթացքում աճել է մի քանի հարյուր հազարով, XVIII–XIX դարերում՝ 5-10
մլն-ով, իսկ ներկայումս՝ շուրջ 80-85 մլն-ով։ Այսինքն` մեծանում է ոչ միայն աշխարհի բնակչության
թիվը, այլ նաև յուրաքանչյուր տարի ավելացող մարդկանց թիվը` բնակչության հավելաճը:
- Ինչու ՞ է անհրաժեշտ իմանալ բնակչության մասին տվյալները:
Աշխարհի և առանձին երկրների բնակչության ճիշտ թիվն իմանալը ճանաչողական ու
գործնական մեծ նշանակություն ունի։ Այդ թվով են պայմանավորված երկրի տնտեսական
հզորությունը, նյութական բարիքների արտադրության և սպառման ծավալները, աշխա-
տանքային ռեսուրսների թվաքանակը, զինվորական ներուժի մեծությունը: Երկրի և առանձին
բնակավայրերի բնակչության ճիշտ թիվն ու կազմն իմանալը կարևոր է մանկապարտեզներ,
դպրոցներ, հիվանդանոցներ, սպասարկման տարբեր ձեռնարկություններ հիմնելու համար:
- Ինչու ՞ է զարգացած երկրներում բնակչության աճը ավել քիչ, քան ոչ զարգացած երկրներում, չնայած այն հանգամանքին, որ զարգացած երկրներում կյանքի պայմաններն ավելի լավ են:
Վերջին տասնամյակներին բնակչության թիվն
ամենարագորեն աճել է Աֆրիկա աշխարհամասում: Այսպես, եթե հարյուր տարի առաջ
Աֆրիկայում էր ապրում աշխարհի յուրաքանչյուր 13 բնակչից մեկը, ապա ներկայումս` յուրա-
քանչյուր 7-ից մեկը: Բնակչության թիվն արագ է աճում նաև Հարավային Ամերիկայում և
Ասիայում: Ներկայումս Ասիայում ապրում է աշխարհի բնակչության մոտ 60%-ը: Բնակչության
թիվը շատ դանդաղ է աճում Եվրոպայում, որի հետևանքով ոչ միայն չի աճում, այլ նաև նվազում
է նրա բաժինը աշխարհի բնակչության թվում: Այսպես, եթե հարյուր տարի առաջ Եվրոպայում
ապրում էր աշխարհի բնակչության մոտ 25%-ը, ապա ներկայումս` 10%-ը:
Ինչպես երևում է վերը նշված տվյալներից, բնակչության թիվը հատկապես արագ է աճում
աշխարհի առավել աղքատ և տնտեսապես թույլ զարգացած տարածաշրջաններում և
երկրներում: Այս տարածաշրջանների և երկրների հաշվին աշխարհի բնակչության աճի
արագացումը մեր ժամանակաշրջանի ամենալուրջ հիմնախնդիրներից է:
No comments:
Post a Comment