Պատասխանե՛ք հարցերին
1. Ո՞րն է
ժողովրդավարության բնորոշումը։
Ժողովրդավարությունը ապահովում է քաղաքացիների հավասար մասնակցությունը պետական և հասարակական գործերի կառավարմանը, պետության հիմնական մարմինների ընտրովիությունը և հասարակության քաղաքական համակարգի բոլոր սուբյեկտների գործողության օրինականությունը, մարդու և քաղաքացու, փոքրամասնությունների իրավունքների պահպանությունը։
2. Որո՞նք են ժողովրդավարության սկզբունքները։
Համաձայն այդ սկզբունքի՝ իշխանության տերը, աղբյուրը ժողովուրդն է։ Պետական իշխանությունն ածանցված է ժողովրդի իշխանությունից, պայմանավորված է ժողովրդի կամքով ու պահանջմունքներով։ Սակայն պետությունը շատ հաճախ վնաս է հասցրել հասարակությանն ու անհատին, եղել է հակաժողովրդավարական, բռնապետական։ Նման պետությունը կառավարում է մեծամասամբ բռնի ուժի և հարկադրանքի միջոցով։
3. Ո՞րն է ընտրովի մարմինների և ժողովրդավարության միջև կապը։
Ժողովրդավարական ընտրություններն ապահովում են նրանց փոփոխելիությունը, վերահսկելիությունը, յուրաքանչյուրի հավասար հնարավորությունը՝ իրականացնել իր ընտրական իրավունքները։
4. Ո՞րն է փոքրամասնության կարծիքը հաշվի առնելու կարևորությունը։
Կարևոր է այնքանով, որ հնարավոր է, որ հենց այդ փոքրամասնության ասելիքն ավելի կարևոր է, քան մեծամասնությանը։
5. Ի՞նչ է օրինականությունը:
Այն հասարակական-պետական կյանքի հիմնարար սկզբունք է, պահանջ՝ ուղղված բոլորին՝ հասարակությանը, քաղաքական միավորումներին, պետական մարմիններին՝ գործել իրավունքի նորմերի խիստ և անշեղ կատարմամբ։
6. Ինչո՞ւ է ժողովրդավարությունը վերածվել հավերժ իդեալի։
Ժողովրդավարությունը համամարդկային իդեալ է, որին ձգտում են մարդիկ, քաղաքակիրթ հասարակությունը և պետությունը։ Սակայն կատարյալ ժողովրդավարություն գոյություն չի ունեցել երբեք։ Իրական կյանքում չկա ժողովրդավարության վերջնական փուլ, որը կբավարարի բոլորին։ Դա պայմանավորված է նաև մարդու բնույթով, որի ձգտումներն անընդհատ փոփոխվում են։
7. Ժողովրդավարության ի՞նչ դժվարություններ և թերություններ գիտեք։
Շատ քիչ պետություններ են կարողանում դառնալ ժողովրդավարական պետություններ, հենց դա դժվարություններից մեկն է։ Արտաքուստ ժողովրդավարությունը պահպանված է։ Սակայն իրական ժողովրդավարությունը շեշտադրում է նաև ընտրության որակական կողմերը։ Այսինքն՝մարդը պետք է հնարավորություն ունենա ընտրելու լավը, ավելի լավը կամ ամենալավը։
8. Ինչու՞ է ժողովրդավարությունը համամարդկային արժեք։
Դրա շատ հիմնախնդիրների լուծումը ոչ թե վերադարձն է հակաժողովրդավարական կառավարմանը, այլ ժողովրդավարության անընդհատ խորացումը, ընդլայնումը, խթանումը։ «Դիկտատուրա՞, թե՞ ժողովրդավարություն» երկընտրանքը պետք է լուծել հօգուտ վերջինի։ Ընտրությունը հիմնված է ոչ թե «ժողովրդավարության արժանիքների վրա, որոնք երբեմն նաև կասկածելի են, այլ դիկտատուրայի թերությունների վրա, որոնք կասկածելի չեն»։
No comments:
Post a Comment