Գրաբար

Ի մահուանն Արտաշիսի բազում կոտորածք լինէին ըստ օրինի հեթանոսաց. դժուարի, ասեն, Արտավազդ` ասելով ցհայրն.

Մինչ դու գնացեր,

Եւ զերկիրս ամենայն ընդ քեզ տարար,

Ես աւերակացս ում թագաւորեմ:

Բառարան

մինչ - այստեղ` երբ

զերկիրս ամենայն - այս ամբողջ երկիրը

 ընդ քեզ - քեզ հետ

աւերակացս - այս ավերակներին

Աշխարհաբար

Արտաշեսի մահվան ժամանակ, հեթանոսական սովորությամբ, շատ կոտորածներ էին լինում. սրա վրա(պատճառով), ասում են, Արտավազդը նեղանում է և ասում է հորը…

Հարցեր և առաջադրանքներ

Փորձիր գլխի ընկնել, թե զերկիրս ամենայն բառակապակցությունն ու աւերակացս բառը բացատրելիս որտեղից է ավելացել այս բառը:

Զերկիրս, աւերակացս վերջում կա ս տառը, որը նշանակում է այս։

Աշխարհաբար դարձրու Արտավազդի խոսքը:

Երբ դու գնացիր

Եվ այս երկիրի ամենը քեզ հետ տարար

Ես այս ավերակներին ինչպես թագավորեմ

Հորն ուղղված այս խոսքի մասին քո վերաբերմունքը շարադրիր.

ա)մեղադրիր Արտավազդին

Արտավազդը չարացել էր և չէր ուզում ոչինչ անել։ Նա մեղադրում էր հորը, որ նա երկիրը շատ վատ վիճակում է հանձնել իրեն։ 

բ)արդարացրու նրան:

Նա անիմաստ մեղադրում էր հորը և իմ կարծիքով դա արդարացում չունի։

Արտավազդի բնավորության ո՞ր գիծն է երևում այս հատվածում:

ալարկոտություն, չարություն, նախանձություն

Բարձրաձայն կարդա հատվածն այնպես, որ նախորդ հարցի պատասխանդ զգացվի:

***

Վասն որոյ անիծեալ զնա Արտաշիսի` ասաց այսպէս.

Եթէ դու յորս հեծցիս

ՅԱզատն ի վեր ի Մասիս,

Զքեզ կալցին քաջք, տարցին

ՅԱզատն ի վեր ի Մասիս.

Անդ կայցես եւ զլոյս մի տեսցես:

Բառարան

վասն որոյ - որի համար, որի պատճառով

անիծեալ զնա Արտաշիսի - Արտաշեսը նրան անիծելով

յորս - որսի

հեծցիս - հեծնես, կհեծնես, պիտի հեծնես, հեծնելու ես յԱզատն ի վեր ի Մասիս - Ազատ Մասիսն ի վեր(Ազատ Մասսով դեպի վեր)

կալցին - բռնեն, կբռնեն, պիտի բռնեն, բռնելու են

քաջք – քաջքերը (քաջք - դևեր, ոգիներ)

տարցին - տանեն, կտանեն, պիտի տանեն, տանելու են

անդ – այստեղ

կայցես - մնաս, կմնաս, պիտի մնաս

զլոյս - լույսը

մի տեսցես - չտեսնես

Հարցեր և առաջադրանքներ

Ճիշտ կարդա այս բառերը.

ա) յորս, յԱզատն,

բ) որոյ,

գ) զքեզ, զլոյս:

Աշխարհաբար դարձրու հատվածը: Աշխարհաբար ինչպե՞ս կլինի` յորս հեծցիս բառակապակցությունը:

Անիծեց Արտաշեսը և ասաց նրան
Եթե դու որսի գնաս
Ազատ գետով դեպի Մասիս
Թող քաջերը քեզ բռնեն և տանեն
Ազատն ի վեր դեպի Մասիս

Այնտեղ կմնաս և լույս չես տեսնի

յորս հեծցիս-որսի գնալ

Ինչպես ես հասկանում զլոյս մի տեսցես արտահայտությունը:

զլոյս մի տեսցես-լույս մի տես

Կազմիր նախադասություններ, որոնցում լույս տեսնել - ն ունենա տարբեր իմաստներ:

Գիրքը լույս տեսավ 2018 թվականին։
Արտավազդը այդպես էլ լույս չտեսավ։

Կարդա` առանց կրկնելու ՅԱզատն ի վեր ի Մասիս տողը: Ինչ է փոխվում:

Շատ փոփոխություն չի լինում։ Իմ կարծիքով դա ընդամենը գեղեցիկ լինելու համար է։ Երբ կարդում ես իմաստը նույնն է մնում։