«Ինչպես ապրել կորոնավիրուսի հետ միասին, եթե դա մեր իրականության մի մասն է»

Կորոնավիրուսը եկավ Երկիր մոլորակ և կանգնեցրեց աշխարհը։ Բայց սա չի նշանակում, որ ամեն ինչ վերջացած է։ Այն դարձել է մեր կյանքի մի մասը, բայց պիտի հասկանանք, որ սա շատ երկար չի կարող շարունակվել։ Պետք է պայքարենք այս վիրուսի դեմ։ Պիտի պատկերացնենք, որ ոչ մի բան չի կատարվում դրսում, ուղղակի մենք պիտի մի քանի ամսով տանը մնանք և սկսենք մտածել, թե ինչպես մեր օրը հետաքրքիր դարձնենք։ Այսօր գիրք կարդանք, վաղը ֆիլմ կդիտենք, մյուս օրը ինքնակրթությամբ կզբաղվենք և այսպես շարունակ։ Տանը մեկուսանալը ունի և՛ վատ, և՛ լավ կողմեր։ Վատն այն է, որ հիմա գարուն է՝ տարվա գեղեցիկ եղանակներից մեկը, երբ բնությունը զարթնում է, բայց մենք տնից դուրս գալ չենք կարող՝ մտածելով մեր և մեր բարեկամների մասին։ Լավն այն է, որ կարող ենք մեր օրը կազմակերպել այնպես, ինչպես ուզում ենք։ Կարող ենք անել այն ամենը, ինչը չենք հասցրել անել։