Գեղեցիկը հայտնի մարդկանց մտքերում․․․

1. Երբ իրը դառնում է օգտակար, այն որպես կանոն դադարում է գեղեցիկ լինել: Գյոթե

2. Դուրեկան է անգամ տատասկը, եթե նրա միջից վարդ է երևում: Պուբիլիոս Սիրոս

3. Սիրահարվածները չեն կարող արդարացիորեն դատել սիրեցյալների գեղեցկության մասին: Քվինտիլիանոս

4. Կան մարդիկ, ովքեր նման են ժամանակակից խանութներին: Ցուցափեղկերում ամեն ինչ կա, սակայն երբ մտնում ես, ներսը դատարկ է: Աուերբախ

5. Եթե մենք ինքներս անթերի լինեինք, այդքան մեծ հաճույքով չէինք նկատի ուրիշների թերությունները: Լառոշֆուկո

6. Գեղեցկությունն ամենուր հույժ ցանկալի հյուր է: Գյոթե

7. Գեղեցիկ է թվում ամեն բան, ինչին սիրով ես նայում:

8. Մենք գեղեցիկ ենք անվանում ավելորդ տարրեր չունեցող, աշխարհում ամեն ինչին անփոփոխ հարազատ թվացող ու բազմաթիվ ծայրահեղությունների միջինը հանդիսացող հասարակը: Էմերսոն

9. Գեղեցկությունը մարդկանց սրտերում խաղաղություն հաստատելու ձիրք ու զորություն ունի: Սերվանտես

10. Ուշադիր նայիր բթամիտ գեղեցկուհուն, երկար ու խորը զննիր նրա յուրաքանչյուր դիմագիծը: Նրա ժպիտը, հայացքը, նրա ողջ գեղեցկությունը աստիճանաբար կվերածվեն ապշեցուցիչ այլանդակության: Իվան Գոնչարով

Ես կարծում եմ, որ գեղեցիկն այն է, երբ մենք նայում ենք ինչ-որ բանի և այն մեր աչքին հաճելի է, դուր է գալիս մեզ։ Ամեն ինչն առաջին հայացքից կարող է գեղեցիկ լինել։ Դրա համար ամեն ինչին պետք է երկար նայել, որպեսզի հասկանանք այն գեղեցի՞կ է, թե դա ընդամենը առաջին հայացքից ստացված տպավորություն է։