Հունվարյան ճամբար

Հունվարյան ճամբարի ընթացքում ՝ «Սովորող-սովորեցնող» նախագծի շրջանակներում, այսօր շրջանավարտների մեր խումբը հաճախել էր Արևելյան դպրոց-պարտեզ, որտեղ մենք 3-րդ դասարանցիների հետ միասին ունեցանք ընթերցանություն։ Ընթերցել ենք Ջաննի Ռոդարիի «Հեքիաթներ, որ երեք ավարտ ունեն» ժողովածուից «Տունը Անապատում» հեքիաթը, որը ինչպես հասկացաք ուներ երեք տարբեր ավարտներ։ Ընթերցելուց հետո սովորողների հետ միասին կազմակերպեցինք քննարկում, սովորողները առաջարկեցին իրենց հորինած չորրորդ ավարտը և իրենց կարծիքը արտահայտեցին հերոսների վերաբերյալ։

Հունվարյան ճամբար. <<Սովորող-սովորեցնող

Ժամանակահատված՝ հունվար

Մասնակիցներ՝ կրտսեր և ավագ ճամբարականներ

Նպատակը՝ <<Սովորող-սովորեցնող>> մեթոդի կիրառմամբ՝ կրտսեր ճամբարականների հետ թարգմանական աշխատանքների կատարում, ընթերցանություն

Ընթացք՝ 12֊րդ դասարանի ճամբարականները կրտսեր դպրոցի ճամբարականների հետ իրականացնում են թարգմանական, ընթերցողական աշխատանքներ ռուսերենով, անգլերենով և հայերենով

Արդյունքները՝ 

Ընթերցանություն Արևելյան դպրոցում

Ընթերցանություն Արևելքում

Ընթերցանություն Հարավային դպրոցում

Ընթերցանություն Հարավային դպրոցում

Ղափամայի ծես Հյուսիսային դպրոցում

Երբ փիլիսոփայում են սեբաստացիները

«Գրականության դասը կրթահամալիրում»

«Գրականության դասը կրթահամալիրում» նախագծի շրջանակներում տեղի ունեցավ ամփոփիչ հադիպում-քննարկում, որի ընթացքում ներկայացրինք մեր կատարած աշխատանքները։

Ընտրել էինք գրականության մեկական դասավանդող և ուսումնասիրելով նրա բլոգը՝ եզրակացություններ էինք արել դասերի ընթացքի մասին։ Հանդիպմանը ներկա էին հենց դասավանդողները, որոնց համար շատ անսպասելի, սակայն հաճելի անակնկալ էր, քանի որ, ինչպես իրենք նշեցին, հնարավորություն ունեցան տեսնելու իրենց աշխատանքները կողքից։ Հանդիպման ընթացքում սովորողները հաստատեցին և լրացրին մեր խոսքը, պատմեցին իրենց դասարանում դասերի ընթացքի մասին։ 

Գրականության դասերը կրթահամալիրում

Կրթահամալիրում գրականության դասերն անցնում են տարբեր ձևերով՝ ըստ ուսուցչի նախատեսած ծրագրի։ Ուսումնասիրեցի տիկին Ելենայի բլոգը, որտեղ նա հրապարակում է նախագծեր։ Նախագծերը հիմնականում վերաբերում են տարբեր գրողների ստեղծագործություններին՝ արևելահայերենով, արևմտահայերենով, գրաբարով, ժամանակակից հայերենով։ Գրողները հիմնականում նույնն են, բայց տարբեր են ստեղծագործությունների վերլուծությունները։ Դասարանում անցկացնում են քննարկումներ պատվածքների, բանաստեղծությունների, տարբեր թեմաների շուրջ։ Նաև այդ ամենը նկարում են, պատրաստում են տեսանյութ և կցում նախագծին։ Արևելահայերեն պատմվածքները, հատվածները նույնպես ընթերցում են նաև բացօթյա պարապմունքների ժամանակ, նկարահանում են և պատրաստում տեսանյութ, ռադիոնյութեր և կինոպոեզիաներ։ Հաճախ ճամփորդություններ են կազմակերպում նախագծի թեմայի շուրջ։ Տիկին Ելենայի բլոգը շատ հեշտ ընթեռնելի է, ինչը հեշտացնում է սովորողի և այցելուի գործը։ Այսպես են անցնում գրականության դասերը տիկին Ելենայի դասարանում։

Թումանյանական ընթերցումներ

Եղիշե Չարենց. ժամանակը, դասերն ու խորհուրդները

Կինոպոեզիա

Կարդում ենք արևմտահայերեն

Թուրքիայում բնակվող համշենահայերի արդի լեզվավիճակը

 Գրիգոր Զոհրապը հայ նշանավոր գրող, իրավաբան, 1908 թվականից Օսմանյան կայսրության խորհրդարանի անդամ է։ 1913 թ. Փարիզում, Մարսել Լեար ծածկանունով հրատարակած «Հայկական հարցը փաստաթուղթերու լույսին տակ» ֆրանսերեն գրքում, գրում է հայերի բռնի իսլամացման մասին, նշում է նաև համշենահայերին: Նա գրում է. «Վեց դարերէ ի վեր ինկած Օսմանեան տիրապետութեան տակ, իրենց պատմութիւնը ուրիշ բան չէ, եթէ ոչ երկար մարտիրոսագրութիւն մը: Շատերը, փրկելու համար իրենց կեանքն ու ստացուածքը, ստիպուած են իսլամանալ»։ Կրոնափոխությունները գործընթացներ են, որոնք կատարվել են այդ թվականներից առաջ և հետո: Համշենի և Կարադերեի դեպքում բռնի իսլամացումը տեղի է ունեցել XVIII դ. առաջին կեսին։

” The scenes I will never forget”

After watching the MUC movies, I will never forget this scene of this movie. Tony sacrificed himself, knowing that this would bring peace.

Պատմում է սեբաստացի Տաթև Սահակյանը

 

Discover Armenia with us

Նախագիծ

Իմ կրթական հավակնությունները

Նպատակը՝ ներկայացնել, թե ինչ կրթվելու հնարավորություններ է տալիս մեր երկիրը և մենք, որ տարբերակից ենք օգտվում

Ժամկետը՝ սեպտեմբերի 1-10

Փուլերը՝

ա․ հետազոտական-ռեսուրսներ, հնարավորություններ

ՀՀ-ում մենք ունենք հնարավորություններ սովորելու համալսարաններում, դպրոցներում, քոլեջներում, կարող ենք օգտվել գրադարաններից, օնլայն գրադարաններից, ինքնակրթվել։ Կարող ենք հարցեր տալ մեր ուսուցիչներին։ Ունենք նաև հնարավորություն օգտվելու համացանցից և այնտեղից սնանալ շատ հարցերի պատասխաններ։ 

Ուսումնական հաստատությունների տիպերն են`

1) նախադպրոցական.

2) հանրակրթական.

2¹) նախնական մասնագիտական.

3) միջին մասնագիտական.

4) բարձրագույն մասնագիտական.

5) լրացուցիչ կրթության, այդ թվում՝ արտադպրոցական դաստիարակության.

6) հետբուհական մասնագիտական կրթության:

բ․ վերլուծական-իմ ընտրությունը

Կրթվելու տարբերակները շատ են և մեզ մնում է հասկանալ, որն է ավելի նապատակարմար։ Ես հաճախել եմ մանկապարտեզ և հիմա սովորում եմ ավագ դպրոցում։ Կրթվելու տիպերից ես օգտվում եմ համացանցից, ինքնակրթվելուց, գրադարանից և նաև դիմում ուսուցիչների օգնությանը և այլն։ Կարծում եմ, որ ամենա բազմազանը ինքնակրթվելն է, որովհետև այն բաղկացած է տարբեր ոլորտներից։

գ․ նախապատրաստում քննարկման, հանդիպումներ կրթական գործի կազմակերպիչների հետ

Հելլենիզմ․․․

Հելլենիզմը կամ հունականությունը Մերձավոր և Միջին Արևելքի երկրների ժամանակաշրջան
է, որը սկսել է Ալեքսանդր Մակեդոնացու նվաճումներից հետո։ Այդ ժամանակ գերակայել է հունական մշակույթն ու լեզուն։ «Հելլենիզմ» հասկացության մասին առաջին անգամ խոսել է գերմանացի պատմաբան Յոհան Դրոյզենը։ Այն անվանելով՝ հունական պետականության և կրթվածության տարածումը արևելյան ժողովուրդների մեջ։ Մեծ Հայքը սկզբից էլ եղել է հելենիաստական աշխարհի մեջ։ Արտաշեսյանների օրոք Մեծ Հայքը հելլենիստական խոշոր տերություն էր։ Այն մեծ զարգացում է ունեցել, բայց մեզ է հասել միայն Գառնու տաճարը։ Հայաստանում պատրաստված հին արձանների մեծամասնությունը տեղական ավանդական և հին արևելյան արվեստի, իսկ Հունաստանից և Փոքր Ասիայից բերված արձանները՝ հելլենիստական արվեստի նշանավոր գործեր էին։ Դրանք ոչ միայն նոր ճաշակ զարգացրին, այլև անշուշտ ազդեցություն գործեցին տեղական արձանագործ վարպետների վրա։ 

Մեր հայրենիքը մեր ձեռքերում է․․․

 Ավագ դպրոցի 10-րդ դասարանի սովորողներով որոշեցինք այս ծանր իրավիճակում օգնել մեր զինվորներին։ Նախաձեռնության իրականացման համար անհրաժեշտ է համախմբվել, քանի որ յուրաքանչյուրս պետք է ինչ-որ բանով օգնենք մեզ պաշտպանողներին, գոնե միայն նրա համար, որ ամեն գիշեր կարողանում ենք հանգիստ քնել։ Դա պետք է գնահատել ոչ միայն համացանցում հրապարակումներ անելով, այլ նաև ցույց տալ մեր արարքներով։ Այսիպիսով՝ ներկայացնում եմ նախագծի բուն իմաստը, և իրականացման ձևը։

Ընթացքը՝

Իրականում, ցանկացած օգնություն ընդունվում է, կարող եք տանից բերել անհրաժեշտ պարագաները, կարող եք նաև բերել գումար (գումարը ինքներդ կարող եք որոշել) ։ Մեր կազմակերպչի՝ ընկեր Վիկտորիայի հետ, տվյալ գումարով գնելու ենք անհրաժեշտ բոլոր իրերը։ Ինչպես արդեն տեղեկացվել եք, ներկայիս պահին զինվորները չունեն սննդի կարիք, այդ պատճառով գնելու ենք դեղորայք, գլխարկ, գուլպա, ջուր, սուրճ, ծխախոտ և այլն․․․ Հաղորդվում է, որ այս պարագաները հիմա խիստ անհրաժեշտ են մեր հերոսներին։

Իմ 9-րդ դասարանը

Մենք չէինք էլ կարող պատկերացնել, որ այս տարին այսպես տարբերվող կլինի։ Սեպտեմբերից փետրվար ժամանակահատվածն անցավ սովորական, ուսումնական։ Բայց հետո մեզ հյուրընկալվեց կորոնավիրուսը և փոխեց մեր առօրյան։ Մեր այս ուսումնական տարին մյուսներից տարբերվում էր նրանով, որ մենք արդեն Ավագ դպրոցում ենք։ Ամեն ինչ նոր էր։ Նոր ուսուցիչներ, նոր ընկերներ, նոր դասասենյակներ, բայց դա մեզ չխանգարեց։

Առաջին կիսամյակում ունեցանք տարբեր նախագծեր։ Մեր կրթահամալիրի 30-ամյակն էր և մենք պատրսատեցինք տարբեր մեդիանվերներ։ Ձմեռային ճամբարի ընթացքում հանդիպեցինք Վիգեն Ավետիսի հետ։ Շատ հետաքրքիր հանդիպում էր։ Երկրորդ կիսամյակը շատ քիչ անցկացրեցինք դպրոցում։ Մարտ ամիսը սկսեցինք հեռավար ուսուցմամբ։ Ֆիզիկական միջավայրը փոխարինեցինք նոր ու հետաքրքիր հարթակով՝ Microsoft Teams-ով։ Այս հարթակը մեզ հնարավորություն տվեց տեսնել մեր ընկերների որոշակի հեռավորության վրա և աշխատել տնից տուն ձևաչափով։ Ուսուցիչները մեզ ուղարկեցին տեսակապերի ժամատախտակը, և սկսեցինք առցանց աշխատել։ Մի լավ բան ևս տեղի ունեցավ։ Մեր քննությունները չեղարկվեցին։ Ես այդքան էլ չէի մտածում դրանց մասին, բայց այսպես ավելի լավ ստացվեց, քանի որ դրանով չեն չափվում կամ որոշվում մեր գիտելիքները։ Այս տարում հասցրեցինք հետազոտել, թարգմանել, ստեղծագործել, կարդալ, վերլուծել, նախագծերի մասնակցել, ֆիլմեր դիտել, նոր բաներ սովորեցինք մաթեմատիկայից, հայոց լեզվից, քիմիայից, պատմությունից և այլն։ Ունեմ շատ ձայնագրություններ՝ «Սասունցի Դավիթ» էպոսից, սփյուռքահայ գրականությունից, Եղիշե Չարենցի բաաստեղծություններից, Մաշտոցի և Շնորհալու շարականներից, գրաբար բանաստեղծություններից և այլն։ Կարդացել և վերլուծել եմ շատ հետաքրքիր պատմվածքներ, հոդվածներ, նամակներ և բանաստեղծություններ, օրինակներ՝ «Հիսուսի կատուն», «Մարիամը», Տարածաշրջանային գրականություն, Թումանյանի հոդվածները, Տերյանի նամակները, Ավ․ Իսահակյանի բանաստեղծությունները, 

«Պատրանք», Մարի Մելիքյանի պատմվածքները և այլն։ Այս տարվա ձեռքբերումս կարելի է համարել այն, որ մի փոքր իսպաներեն սովորեցի, նոր ընկերներ ունեցա, առցանց հարթակներից օգտվել իմացա և ծանոթացա մեր նոր ու բարի ուսուցիչների հետ։ Ինչո՞ւ սովորեցի իսպաներեն, որովհետև այն ինձ դուր է գալիս, և իմ երազանքներից մեկն այն է, որ մի քանի տարի հետո Իսպանիա գնամ։ Հեռավար ուսուցումը ինքնակրթության լայն հնարավորություն է տալիս մեզ, ու պետք է անպայման օգտագործել այդ հնարավորությունը։ Երբ ազատ ենք լինում, մենք թեկուզև առանց գիտակցելու զբաղվում ենք ինքնակրթությամբ, օրինակ՝ գիրք ենք կարդում, տարբեր լեզուներով ֆիլմեր ենք դիտում, հետաքրքիր տեսանյութեր ենք դիտում և այլն։ Այս ամառ ուզում եմ աշխատել օտար լեզուներն ամրապնդելու վրա։ Երրորդ ուսումնական շրջանը նույնպես ավարտվեց, և հիմա սկսվել է չորրորդ շրջանը։ 

«Մերոնք» նախագիծ

Մի քարտեզի պատմություն

«Me and my Armenia»

Դպրոցը, ընտանիքը և հասարակությունը․․․

«Թունավոր նյութերը օդում»

“ Мой микрокосмос”

«Ինչպես ապրել կորոնավիրուսի հետ միասին, եթե դա մեր իրականության մի մասն է»

Պաշտոնական լրահոս

«Մերոնք» նախագիծ

Հայրենական Մեծ պատերազմի մասնակից է եղել նաև իմ հայրիկի պապիկը՝ Համբարձում Հովհաննիսյանը։ Պատերազմը տեղի է ունեցել 1941-1945թվականներին։ Այն տեղի է ունեցել ԽՍՀՄ-ի և Գերմանիայի միջև։ Պապիկը եղել է «Թամանյան» դիվիզիայից և պայքարել է մինչև վերջ։ Վիրավորվել է երկու անգամ Ղրիմում, և մինչև վերջ այդ փամփուշտը եղել է նրա ոտքի մեջ։ Հետո, երբ պատերազմն արդեն ավարտվել էր, նա ստացել է շատ մեդալներ և շքանշաններ։

Շարականներ

«Հայկական ճարտարապետության հետքերը՝ հնագույն շրջանից մինչ մեր օրեր»․ Սիրանես

Արատեսի վանքՆորավանք
Սիրանեսը XIII դարի ճարտարապետ է: Ապրել ու ստեղծագործել է Վայոց ձորում: 1265-ին կառուցել է Արատեսի վանքի խաչվող կամարներով գավիթը և 1275-ին Նորավանքում, Տարսայիճ Օրբելյանի պատվերով՝ Իշխանաց իշխան Սմբատ Օրբելյանի գերեզմանի վրա՝ միանավ թաղածածկ Ս. Գրիգոր եկեղեցի-դամբարանը: Իշխան Տարսայիճ Օրբելյանը նրա հս. պատին գեղագիր արձանագրությամբ հաղորդում է կատարած աշխատանքի համար «Սիրանես  վարդպետին», իբրև ժառանգական սեփականություն, Հալիձոր գ. մոտ կալվածք նվիրելու և 500 արծաթ վճարելու մասին: Արձանագրությունը, որի հեղինակը Սիրանեսն է, կատարմ ան բարձր արվեստով XIII դ. լավագույն նմուշներից է: Նվիրաբերած կալվածքում Տարսայիճ Օրբելյանը կանգնեցրել է մեծ խաչքար, որի արմ. երեսի արձանագրությամբ վերստին հաստատել է «Սիրանես քարգործի» իրավունքը հողաբաժնի վրա և ճշտել նրա սահմանները: Ճարտարապետը կալվածքում կառուցել է մատուռ և բնակելի շենքեր: Պահպանվել է Սիրանեսի և նրա եղբայր Հզարմելի՝ իրենց ծնողներ Գորքի ու Թենիկայի հիշատակին կանգնեցրած բարձր պատվանդանով գեղաքանդակ խաչքարը: Սիրանեսը միջնադարյան միակ հայ ճարտարապետն է, որի տոհմագրությունը և վարձատրման չափը հասել են մեզ, իսկ ինքը կենդանության օրոք արժանացել է նյութական ու բարոյական բարձր գնահատանքի: Սիրանեսը  հեղինակ է նաև Օրբելյանների իշխանական տան տիրույթներում կառուցված այլ շինությունների և հավանաբար եղել է նրանց գլխավոր ճարտարապետը:

«Հայկական ճարտարապետության հետքերը՝ հնագույն շրջանից մինչ մեր օրեր»

Մի քարտեզի պատմություն

Մեր տանը կա մի քարտեզ, որը մեզ նվիրել է թանգարանագետ, հայ պատմաբան և ՀՀ զինված ուժերի փոխգնդապետ Ռաֆայել Թադևոսյանը։ Մայրիկս աշխատել է նրա հետ։ Խմբագրման և սրբագրման աշխատանքներ է կատարել նրա «10 հարց, 9 պատասխան» գրքում, որը Ցեղասպանության մասին է։ Քանի որ հայրիկս արմատներով Վանի Ալյուր գյուղից է,

Famous places to Visit in Armenia

Yerevan

While Yerevan is certainly not a pretty city, it does have a lot going for it as its streets positively thrum with life and countless cafes and terraces occupy every street corner, square and park. As well as being home to a third of the country’s population, the city also boasts lots of great cultural institutions in the shape of its many museums and theaters. Of these, the haunting Armenian Genocide Museum is simply a must visit if you want to understand the horrific events that so profoundly impacted the nation and its people. With so many different sides to it, it is well worth spending a few days in Yerevan before heading off to explore the many incredible landscapes and age-old historic sights that dot the country.

Դպրոցը, ընտանիքը և հասարակությունը․․․

Երբ մենք դեռ փոքր ենք, ծնողներն են որոշում, թե մենք ինչ անենք, բայց երբ արդեն մեծանում ենք ևս մի քանի տարով, պետք է ծնողը երեխային որոշ չափով ազատ ընտրության հնարավորություն տա։ Բայց ազատություն չի նշանակում երեխային աչքաթող անել։ Մասնագիտության ընտրության հարցում, կարծում եմ, ծնողը չպիտի պարտադրի, որովհետև այդ դեպքում նա իր աշխատանքը հաճույքով չի անի։ Միշտ կարելի է խորհուրդներ տալ, բայց ստիպել և պարտադրել պետք չէ։ Իմ ծնողները չեն խոչընդոտում իմ մասնագիտության ընտրությանը, որի համար ես շատ շնորհակալ եմ նրանց։ Մասնագիտությունը մեր կյանքում շատ կարևոր է, մենք հետագայում լինելու ենք դրա մեջ, աշխատելու ենք և շատ կարևոր է, որ մենք դա սիրով անենք։ Շատ դեպքերում մարդիկ սովորում են այլ բան, իսկ աշխատում են լրիվ ուրիշ մասնագիտությամբ։ Դա կարող է լինել և՛ մարդու սխալ ընտրությունը, և՛ ծնողի ստիպածը։ Բայց այդ՝ ստիպողաբար ինչ-որ բան անելը չի վերաբերում միայն մասնագիտությանը, օրինակ՝ հագուստի ընտրության, նաև ընկերների հարցում կարող է լինել։ Դեպքերը շատ-շատ են, և թվարկելն անհնար է։ Եվս մեկ տարի, և ես կարծում եմ, որ հստակ կորոշեմ իմ մասնագիտութունը։ Դա իրականում շատ բարդ է։

Իմ տունը իմ ամրոցն է…

Նախագիծ

Մեր ընտանիքում դեռ շատ վաղ ժամանակներից կա մի ավանդույթ։ Ամեն տարի հունվարի 5-ին՝ Սուրբ Ծնունդին, մենք հավաքվում ենք բարեկամներով ու համտեսում ենք մի ուտեստ։ Ուտեստի անունն է «Քալագոշ»։ Այն Վանից եկած ուտեստ է։ Պատրաստում են չորաթանով, սոխառածով, ոսպով, սխտորով, յուղով, ուտում են չոր ու փափուկ հացով։ Նախ չոր թանից՝ թանից կտրած շոռից, գնդիկներ են անում, դնում արևի տակ, որ չորանա։ Ապա ձմռանը թրջում են տաք ջրով, տրորում ձեռքերով կավից պատրաստված ամանի մեջ։ Այնքան են տրորում, մինչև չոր թանը վերածվի հեղուկի։ Ապա եփում են, ավելացնում սոխառածը, ոսպը, սխտորը, չոր հացը և ուտում։ Շատ համեղ ավանդական ուտելիք է, որը փոխանցվել է հայրիկիս պապից, ով սերում է Վանի Ալյուր գյուղից։ Մեր ընտանիքը ամեն տարի չի խախտում այդ ավանդույթը և անպայման կփոխանցի ապագա սերունդներին։

Վասպուրականի ճարտարապետական դպրոց

ԱղթամարԱրաբական տիրապետությունը թոթափելուց հետո պատմական Վասպուրականի նահանգում ճարտարապետությունը զարգացավ։ 10-րդ դարի առաջին քառորդում, Մանվել ճարտարապետը կառուցեց Աղթամարի տաճարի պես մի հոյակապ կոթող։ Աղթամարում, բացի ս․ Խաչի տաճարից, Գագիկ Արծրունին կառուցել է տվել հանդիսավոր ընդունելությունների և խրախճանքների մի դահլիճ, զբոսատեղերով օժտված նավահանգիստ, դարավանդավոր պատերազմներով պատել է տվել կղզու տարածքը և այլն։ Շինարարական աշխատանքները ծավալվեցին նաև Վանում, Վարագում, Ոստանում և այլուր։ Աղթամարի ս․Խաչ եկեղեցու հատակագծային և ծավալատարածական հորինվածքի համար ելակետ է հանդիսացել ս․Էջմիածին եկեղեցին։